Dünyada eyni vaxtda elan olunacaq oyuna Azərbaycan da qatılacaq

27 – 31 yanvar tarixlərində dünyanın 200-yə yaxın ölkəsində eyni anda təşkil edilən “Global Game Jam 2021”-ə qoşulmaq mümkün olacaq. Oyun Nəqliyyat Rabitə və Yüksək Texnologiyalar Nazirliyi, “Game Tech Azerbaijan”ın təşkilatçılığı, “SUP VC”, “Next Step” İnnovasiya Mərkəzi, “Creative.az” və “Mad Rooster” şirkətlərinin dəstəyi ilə Azərbaycanda da baş tutacaq.
 
Məqsəd Azərbaycandakı oyun qurucuları cəmiyyətini bir araya gətirmək, bu sahəni inkişaf etdirmək, xüsusilə beynəlxalq arenaya çıxışlarına kömək etməkdir.
 
Ölkəmizdə “Global Game Jam Azerbaijan” ilk dəfədir ki onlayn keçirilir. Tədbirdə oyun yaratmağa həvəsli proqramçılar, rəssamlar, dizaynerlər, “3D” modelçilər, səs və vizual effekt mütəxəssisləri iştirak edə biləcəklər.
 
Müsabiqə zamanı iştirakçılar tərəfindən eyni mövzuya aid fərqli oyunlar hazırlanacaq. Mövzu bütün dünyada eyni vaxtda elan olunacaq. “Global Game Jam 2021”-in iştirakçıları dəyərli hədiyyələr qazanacaqlar.
 
Qeyd edək ki, qeydiyyat iki mərhələdən ibarətdir. Aşağıdakı qeydiyyat linklərinə daxil olmaqla “Global Game Jam”də iştirak etmək mümkündür.

Global Game Jam Azerbaijan-da kimlər iştirak edə bilər?
Global Game Jam Azerbaijan-da 18 yaşı tamam olan hər kəs iştirak edə bilər.
Jam-da iştirak etmək üçün təcrübə lazım deyil. Dizaynerlər, inkişaf etdiricilər, rəssamlar, musiqiçilər, memarlar, hər kəs və hər kəs GGJ zamanı oyun hazırlamaq üçün özlərini sınamağa dəvətlidir. Fikir vermək, oyun testi və mənəvi dəstək verməklə bir çox yeni bacarıqlara söykənə və komandanızı dəstəkləyə bilərsiniz.

 
Necə qeydiyyatdan keçmək olar?
Qeydiyyat iki mərhələdə baş verir:
1. İlk olaraq şəxsi qeydiyyat üçün bu https://globalgamejam.org/user/signup/to/participate/using link-ə keçidə gedərək formu doldurursunuz və e-mail ünvanınızla qeydiyyatdan keçirsiniz. Növbəti mərhələdə isə sizə təstiq məktubu gəlir və siz oradakı keçidi açaraq https://globalgamejam.org/ - yönləndirilirsiniz. Açılan səhifədə "Participate in a jam" seçimini edərək, qeydiyyatınızı tamamlamış olursunuz.
2. Aşağıda əlavə edilmiş link-dən istifadə edərək google form-u doldurmağı unutmayın!

• Tədbirin vaxtı və saatı: 27 - 31 yanvar, 17:00 (Bakı vaxtı)
• Qeydiyyat: http://bit.ly/34NgmV6
• Tədbirdə iştirak pulsuzdur.