Azərbaycan Kuboku: Səkkizdəbir finala yüksələn komandalar müəyyənləşiblər

Azərbaycan Kubokunda 1/8 finala yüksələn komandalar müəyyənləşib.

 Bizon Azərbaycan Kubokunda II təsnifat mərhələsinin ilk oyunları keçirilib və 1/8 final mərhələsinə vəsiqə qazanan ilk komandaların adları bəlli olub.

Mərhələnin ilk oyun günündə altı komanda növbəti mərhələyə adını yazdırıb.

"Azərsun Arena"da keçirilən görüşdə "Turan Tovuz" komandası "Dinamo" ilə qarşılaşmadan 5:0 hesablı qələbə ilə ayrılaraq növbəti mərhələyə yüksəlib.

Şamaxı şəhər stadionunda baş tutan "Karvan-Yevlax" - "Sheki City" matçı isə əlavə vaxtda yekunlaşıb. Əsas vaxtı 1:1 hesabı ilə başa çatan oyunda Yevlax təmsilçisi əlavə vaxtda hesabı 3:1 edərək 1/8 finala yüksəlməyi bacarıb.

Digər görüşlərin nəticələrini təqdim edirik:

"Cəbrayıl" - "Şəfa" - 0:3;

"Göygöl" - "Baku Sportinq" - 0:2;

"Kəpəz" - "Ağstafa Gəncləri" - 6:1;

"Qaradağ Lökbatan" - "İmişli" - 2:3.

Qeyd edək ki, Bizon Azərbaycan Kubokunun II təsnifat mərhələsinə oktyabrın 29-da yekun vurulacaq.